نصائح طبية هامة للغاية قبل و بعد زمن كورونا

ع#نصائح_طبية ... #مهمة_جدا👉
**************************
حاجات لو الدكتور نسى يقولها للمريض وهو بيكتب الدواء هيعرضه لأعراض جانبيه صعبه وخطيرة ودى أمثلة منها ...
1⃣  لو كتب له أدويه فيها سلفا وماقلوش إشرب ميه كتير أثناء فترة العلاج
لأن مركبات السلفا بتتركز في الكلي وممكن تسبب التهاب كلوي وحصوات
.
2⃣ لو كتب له مضاد حيوي من مجموعة سيبروفلوكساسين ونسي يحذره من الخروج والتعرض للشمس اثناء الظهيره
 لأن أثناء فترة العلاج بالادويه دي بيكون المريض عنده حساسيه لضوء الشمس وممكن تسببه حروق الوجه والجلد وتؤذي العين
.
3⃣  لو كتب له مضاد حيوي اسمه زيثروكان او زيسروسين او مجموعة الماكروليد ونسي يقول له تاخدها بعد الاكل بساعتين لانه لو اخدها بعد الاكل مباشرة هيفسد مفعولها
.
4⃣  لو كتب لابنك مضاد حيوي زي هاي بيوتك او اوجمنتين شراب او اي حاجه بنفس تركيبتهم ونسي يقول لك احفظه في التلاجه مباشرة بعد الفتح
لانك لو نسيته بره التلاجه هيبوظ عالطول ولازم ترميه اول مالونه يتحول من الابيض للاصفر الغامق
.
5⃣  لو كتب لك اقراص مضاده للالتهابات بيكتبها كتير اطباء الاسنان والعظام وتخصصات اخري اسمها الفنترن أو أمبيزيم ونسي يقولك تاخدها قبل الاكل بساعه او بعد الاكل بساعتين
 لأن اقل من كده مش هتستفيد منها نهائيا لأنها اذا اتاخدت مع الاكل هتحلل البروتينات اللي في الاكل بدل من البروتينات المسببه للورم فلازم تكون المعده خاليه
.
6⃣  لو الدكتور او الصيدلي أعطاكي حاجه مسكنه للألم والصداع من مجموعة زي كتافلام او باي الكوفان ونسي أنك بترضعي وخصوصا لو طفل حديث الولاده
خللى بالك
 الادويه دي هتسبب لإبنك إرتجاع وحرقان ومغص وانتفاخ وهايفضل يعيط كل ما ترضعيه وهتدوخي عشان تعرفي ايه السبب وانتي السبب
.
7⃣ لو كتب لك دواء مسكن بروفين ونسي يسألك هل بتاخد اي نوع اسبرين للسيوله ام لا
لأن البروفين بيلغي تأثير الاسبرين فلو كنت مريض بالقلب او الضغط ومحتاج تاثير الاسبرين ما تاخدش معاه بروفين في نفس الوقت.