الماء القلوي ما هي المياه القلوية و ما هي فوائدها و أضرارها و موانع الاستخدام

بما ان المياه القلوية موجودة دلوقتي في مصر يبقي لازم نتكلم عليها 🌊💧🌊

المياه القلوية / Alkaline Water بقت موجودة دلوقتي في كل السوبر ماركت و حتي الاكشاك و سعرها بيتراوح بين 10 الي 40 جنيه مصري  .. 

اكيد ناس كتير اشتريتها و جربتها و في ناس كتير بتسأل هي عبارة عن ايه ،، 

* بمنتهي البساطة المياه القلوية مياه عادية جدا بس بتختلف في طريقة تحضيرها عن المياه العادية اللي هي اصلا متعادلة لا حمضية ولا قلوية ..

اذا المية دي مختلفة في تركيبها و طريقة تصنيعها 😉

طيب ليه ممكن نشتري المية دي ك سيدات و بنات و حوامل ؟!؟! 😋

- المياه دي هتساعدك علي التخلص من الاحساس بالحموضة و ارتجاع الطعام و الاحساس بالغثيان الصباحي و بتعالج القي الحاد .

- المياه دي هتساعدك علي تجديد النشاط لإنها بتحفز الدورة الدموية عن طريق التخلص من زيادة الحموضة في الدم .

- كمان بتساعدك علي تجديد الخلايا و بتحميكي من تجاعيد الجلد و بداية علامات التقدم في السن بالمواظبة عليها .

- كمان بتساعد علي #الديتوكس يعني التخلص من كل سموم الجسم و القولون .

طيب دي مميزات المياه القلوية لكن طبعا بما انها مش مياه عادية ف اكيد ليها اثار جانبية و موانع استخدام و هي ،،

- الاكثار منها بيعرضك ان الدم يكون قلوي جدا و دا خطر علي حياتك في كل لحظة .

- لو بتعاني من عسر هضم يبقي اصلا حموضة المعدة قليلة ف مينفعش نشرب مياه قلوية .

- لو كنتي من مرضي الضغط و السكر او القلب ف منصحكيش تشربي مياه قلوية لإنها هتأثر علي ادويتك و كمان نسب المعادن فيها مش زي المياه العادية .

- لو كنتي عندك اي حاجة ليها علاقة بالاعصاب او بتخدي دوا لعلاج امراض الاعصاب .

- كمان متنفعش للأطفال لحد متستشيري الطبيب و كمان اخصائي تغذية .

- فيها كالسيوم كتير ف لازم تقللي جرعة الكالسيوم لو كنتي بتاخديه في مكمل غذائي عشان كتره في الدم غلط 

- المياه القلوية مش معموله للإرتواء يعني ممكن متقضيش علي العطش لكن شربها بيحافظ علي رطوبة جسمك لوقت طويل .

ف ممكن تشربي منها قبل ممارسة الرياضه او الخروج في حر شديد لكن مش وانتي عطشانة .

لكن الخبر السعيد اننا ممكن نطبخ بيها و نعمل حلويات و بيقولوا انها بتدي طعم حلو اوي للاكل .

بس بصراحة مجربتهاش في الطبخ 😂😂

و اخيرا جرعتها اليومية هي وزنك مقسوم علي 2 

يعني لو وزنك 60 كيلو يبقي لازم تشربي 30 فلويد اونس 

يعني 870 ملي لكن طبعا احنا مش هنعمل كدة .

ف بنصحك انك تشربي منها كوباية كاملة صباح كل يوم عشان تخلصك من السموم و تديكي طاقة و تمنع عنك علامات التقدم في السن .. 

و لأكتر من كدة بنصحك تستشيري طبيب تغذية عشان يحلل نسبة حموضة الدم و نسب الفيتامينات و المعادن و يديكي الجرعة المناسبة من المياه القلوية ✋✋

#Alkaline_Water #مياه_قلوية 

#Flo_Water #Flo 

#Health #Healthy #Detox 

By #Dr_Mom & #Kids 👧🍼👶